ETHAZI METODOLOGIA ARRAKASTAZ EZARRI DUGU ENPRESETAN
ETHAZI METODOLOGIA
ARRAKASTAZ EZARRI DUGU ENPRESETAN
HETELek, ikasturte honetan, Gipuzkoako
Foru Aldundiko Ekonomia Sustapeneko, Turismoko eta Landa inguruneko
Departamentuak diruz lagundutako “Gipuzkoako enpresetan
berrikuntza-ekosistema lanbide heziketa dualaren bidez hobetzeko ikerketa” proiektua
garatu du. Proiektuaren helburua Lanbide Heziketako ikastetxeetan erabiltzen
den ETHAZI metodologia enpresatara hurbiltzea izan da, berrikuntza prozesuetan
lagungarria izan daitekeelakoan.
Proiektu honetan 9 enpresa (Atten2 –
Advance monitoring technologies, RN mekanizatuak, Ikaslan Fundazioa,
Electricidad industrial Loatzo, Orialki, Thyssenkrupp elevator manufacturing,
Jegan, Fagor automation eta Matia Fundazioa) eta HETEL Gipuzkoako 8
ikastetxeetako Lanbide Heziketa Dualeko 9 ikaslek parte hartu dute. Ikasle bakoitzak enpresako benetako erronka
bati erantzun behar izan dio ETHAZI metodologia erabilita.
Orokorrean oso esperientzia positiboa
izan da eta ondorengo konklusioak azpimarratu ditzakegu:
- * Ikasleak enpresetako benetako erronkei erantzuteko gai
izan dira ETHAZI metodologia erabilita
- * Enpresako erronka bati aurre egitean ikasleek izan duten
inplikazioa eta ilusioa aipagarriak izan dira
- * ETHAZI metodologia arrakastatsua izan da enpresetan
sormena eta talde lana indartzeko
- * Ikasleek beraien gaitasunak eta indarguneak erakutsi ahal
izan dituzte enpresan rol aktiboa izatean
Ondorio guzti hauek ekainak 28ko
jardunaldian aurkeztuko dira.
Parte hartu duten eragile guztiek
(enpresa, ikasle eta irakasleak) balorazio positiboa egin dute. Abantean!
Iruzkinak
Argitaratu iruzkina