LANEKI Lanbide Heziketa Duala euskaraz baliabideak sortzen
Lanbide Heziketa
Duala euskaraz egiten den lantokiak nabarmen gehitu dira, azken urteetan. Hau
dela eta, Lanbide Heziketako ikasle gero eta gehiagok egiten dute lantokiko
egonaldia euskaraz. Azken bost urteetan, Arabako 450 lantokietan, Bizkaiko 2067
lantokietan eta Gipuzkoako 4016 lantokietan egin da LH Duala euskaraz.
Laneki elkartean, baliabideak sortu dira LH Duala euskaraz
bultzatzeko eta lhdualaeuskaraz.eus
web atarian jarri dira ikasle, ikastetxe eta lantokien eskura.
LH Duala euskaraz
Gidaliburua, Infografiak, Euskara Ziurtagiriak eskuratzeko bideotutorialak, Autodiagnostikorako
tresna eta Geomapa dira horietako batzuk. Praktika onen bideoak ere ikusgai
daude web atarian.
Lanbide Heziketa
Duala euskaraz komunitateak erabiltzeko LH Duala euskaraz marka sortu da. Marka
hau erabili daiteke lantokiko eta ikastetxeko dokumentu, web atari eta
euskarrietan. Ikastetxean ere ikasleari
markadun ziurtagiria ematen zaio.
Euskaraz egindako enpresa egonaldiaren balio erantsiaren adierazgarri.
Lanbide Heziketako
Sailburuordetzarekin, Araba, Bizkaia eta Gipuzkoako Aldundiekin, eta beste
eragileekin elkarlanean, hainbat ekimen burutu dira. Bizkaiko Foru Aldundiak LH
Duala euskaraz egiten den lantokientzako duen diru-laguntza lerroaren aurkezpen
ekitaldia egin da aurten, hirugarren urtez.
Euskara eta jasangarritasuna gaitzat hartuta, LH Duala Gipuzkoan euskaraz aitortza ekitaldia izan da Urnietako Salestarrak Lanbide Heziketako ikastetxean; ikasle, irakasle, lantoki, erakunde eta ikastetxeetako ordezkarien praktika onak partekatu ziren bertan.
Iruzkinak
Argitaratu iruzkina