HETEL IKASTETXEEN ARTEKO PROIEKTUA: DISEINUA PROIEKTUA
HETEL IKASTETXEEN ARTEKO
PROIEKTUA: DISEINUA PROIEKTUA
HETELek duela 10 urte Fabrikazio mekanikoko Diseinuko ikasleen artean gaitasun digitalak eta bestelako zeharkako gaitasunak
lantzeko Diseinua proiektua abian jarri zuen. Ikasturte honetan La Salle
Berrozpeko Xabier Puertas da proiektuaren arduraduna eta La Salle Berrozpe, Egibide,
Salesianos Deusto, Maristak Durango, Zulaibar eta IT Miranda ikastetxeek parte
hartzen dute.
Proiektu honetan ikastetxe ezberdinetako kideekin osatutako taldeak erronka berdinari erantzun behar diote. Aurten tresneria edo baraila bat diseinatu behar dute. Baraila hau erabiliko duten langileek gaitasun bereziak izango dituzte, beraz edozein diseinuk ez du balio izango. Erronka ingelesez aurkezten da, atzerriko hizkuntza ere lantzeko asmoz.
Ikasleak IKT tresnak erabili behar dituzte elkarren artean erronka ebazteko. Diseinurik onena, fabrikazio proiektuko ikasleek fabrikatu beharko dute, edozein enpresan gertatzen den moduan, fabrikatzean diseinuaren akatsei erantzun behar izango dutelarik.
Proiektuan gaitasun teknikoak, IKT gaitasunak, zeharkako gaitasunak (komunikazioa, adostasunera heltzea, lidergoa, talde lana…) eta atzerriko hizkuntza gaitasunak lantzeaz gain, beste ikastetxeetako pertsonak ezagutzeko eta beste ikastetxe batzuetan ikasten dituzten programak ezagutzeko balio du. Oso ekarpen positiboa da ikastetxe eta ikasleentzat! Abantean!
Iruzkinak
Argitaratu iruzkina