LANEKI Lanbide Heziketako materiala euskaraz sortzen
LANEKI Lanbide Heziketako
materiala euskaraz sortzen
Duela hainbat hamarkada
euskarazko ikas-materiala sortzen hasi ziren Lanbide Heziketako (LH) irakasle
taldeak, euskarazko eskaintzan zegoen material eskasiak bultzatuta. Horren
ondorioz 2003an HETEL eta hiru Ikaslan
elkarteek osatutako LANEKI elkartea sortu zen euskarazko ikasmaterialak
sortzeko ahalegin guztiori batzeko asmoz.
Ordudanik euskarazko materiala
sortzen, itzultzen, prestatzen, eguneratzen eta eskura ipintzen jardun du
LANEKIk eta –egin kontu– bi hamarkada igaro
direlarik, nabarmena da behar horrek egin dion ekarpena Lanbide Heziketako
euskararen normalizazioari eta, beraz, baita lan munduari ere.
Momentu honetan, lan esparru nagusiak
materialen itzulpenak, hiztegigintza eta euskarazko Lantoki prestakuntza eta
Duala bultzatzea dira. Material eta ekimen guzti hauen gaineko informazioa www.jakinbai.eus/ web orrialdean aurkitu
daiteke. Webgune honetan 1.093 ikasmaterial eta hiztegian 11.812 kontzeptu daude
erabiltzaileen eskura gaur egun.
Gertuko etorkizunari begira
jartzen bagara berriz, euskarazko Lanbide Heziketa kalitatezko baliabidez eta
baliabide erakargarriz hornitzea da erronka nagusia. Euskarazko materialak
modulu guztietan egotea, zaharkituta dauden materialak berriekin ordezkatzea,
eta ziklo berriak euskarazko materialez hornitzea.
Euskaraz matrikulatu diren
ikasleek Lantokiko Prestakuntza eta Duala euskaraz egitea da LANEKIren erronka
baita ere, eta horretarako ikastetxeei
eta enpresei laguntza ematen jarraituko dugu.
Iruzkinak
Argitaratu iruzkina